Enquisa para a diagnose da convivencia nos centros.

O informe sobre a ‘Estratexia Galega de Convivencia Escolar 2015 2020, educonvives.gal’, é unha folla de ruta que pretende guiar e abordar desde un punto de vista integral no próximo quinquenio a aplicación da normativa publicada neste eido pola Consellería de Cultura, Educación e Ordenación Universitaria.

Búscase garantir un bo clima nas aulas, conscientes de que se trata dun factor imprescindible para a mellora da calidade educativa, para garantir o éxito escolar e para facilitar o labor docente. O obxectivo desta estratexia é, polo tanto, fornecer o profesorado, nais, pais e equipos directivos – fundamentalmente- dunha serie de recursos que lles permitan abundar na mellora da convivencia escolar e desde a óptica integral e inclusiva. Nesta liña búscase facilitar orientacións para actuar con rapidez diante de eventuais situacións problemáticas para a convivencia, así como a súa prevención a través de formación en materia de saúde, identidade de xénero, identidade dixital -uso de redes sociais, etc -, ou loita contra o racismo e a xenofobia.

A nova iniciativa centra a atención na formación e coordinación de todos os axentes implicados – profesorado, familias, docentes, alumnado, outras institucións…- e na difusión de boas prácticas e casos de éxito para a mellora do clima de aula en Galicia.

Así mesmo, establece a diagnose da situación de convivencia a través dunha enquisa específica, que se irá actualizando co establecemento dunha recollida de datos rutinaria; así como a creación dun fondo documental especializado neste eido e de modelos normalizados que permitan axilizar a tramitación das posibles situacións de conflito.

Este documento será o primeiro que avalíe o Consello para a Convivencia Escolar de Galicia que, tras a súa creación ao abeiro do decreto polo que se desenvolve Lei de convivencia e participación da comunidade educativa, se constituirá nas próximas semanas. Neste sentido a Estratexia prevé potenciar o papel vertebrador deste órgano de carácter consultivo e de apoio a toda a comunidade educativa no que se refire a esta materia, en especial, no que atinxe á colaboración con outras administracións implicadas na tarefa de mellorar o clima das aulas. De feito, entre outras entidades e expertos, estarán representadas neste consello as consellerías de Sanidade, Traballo e Benestar e Cultura e Educación.

Próximamente as familias recibiremos un enlace e unha clave para realizar unha breve enquisa online. Esta clave escóllese de xeito aleatorio co cal o anonimato estará garantido. Comunícannos dende o centro que de non ter acceso á rede dende casa, poñerán a disposición das familias un ordenador no centro.

Convocatoria Asemblea Ordinaria-Orde do día

orde do día 2015

FELICES FESTAS!!!

felicitación 2015

APRENDER PARA EDUCAR

APRENDER A EDUCARPreme aquí para consultar a programación

Orde do día da Asemblea Ordinaria do 26 de setembro.

orde do día setembro 2014 imaxe

CONVOCATORIA 2014

XVIII Certamen Fertiberia de pintura rural infantil

fertiberia001fertiberia bases002Podes deixar o debuxo do/a neno/a na secretaría do colexio ate o día 20 de outubro, onde teñen á túa disposición pegatinas para identificar ao autor.

INDIGNACIÓN NA ANPA BRIGANTIUM

O conselleiro de educacion, Xesús Vázquez e o PP de Betanzos negan o compromiso que o propio Feijoo asumiu coa nosa  comunidade educativa. Mostramos a continuacion probas desta gran mentira, que demostran a nula interese do goberno da Xunta e do propio PP local á hora de resolver a grave situación que levamos padecendo dende hai moitos anos. A anpa brigantium  mantivo ao longo deste tempo múltiples encontros e conversas cos distintos partidos políticos de Betanzos  e todos eles , incluído o PP,  manifestaron sempre a necesidade de que Betanzos contase cun colexio de Educación Infantil independente do Vales. Cuestións relativas á  distribución dos orzamentos, á xestion por parte do equipo directivo, á necesidade de especialistas…..foron argumentos que o PP local supostamente compartía coa nosa comunidade escolar e que avalaban creación dun centro con autonomía propia, ou polo menos así o manifestou en moitas ocasións, incluso estando ao frente do goberno municipal.  Agora asistimos atónitos a este cambio de postura, á falta de compromiso e á retirada do seu apoio á nosa comunidade, dando a espalda a un dos problemas máis importantes q vive Betanzos, en lugar de loitar por algo q levan anos defendendo. Decepcionante…….

Agora o Goberno da Xunta e o PP de Betanzos din que nunca se falou de Colexio independente cando no seu día, como demostra no recorte do DOG, denominábase EEI (Escola de Educación Infantil), entendéndose pola nomenclatura que sería un centro autónomo.

dog 1

licitación

 

 

boletín PP No propio Boletín do PP de Betanzos

prensa 1Na prensa

E podemos continuar……

LISTADO DE LIBROS DE TEXTO CURSO 2014-2015.

O día 6 de xuño os alumnos de 6º de infantil do Vales participarán nesta IV Xornada de Convivencia.

WordPress Themes